Kremlin sözçüsü Dmitri Peskov əmindir ki, Rusiya Federasiyasının növbəti prezidenti Putinlə “eyni” olmalıdır.

Qarabaqinfo.az xəbər verir ki, sözçü bu barədə "MGIMO 360" tələbə məlumat kanalına verdiyi müsahibədə danışıb.

Peskov Putinin Rusiyada keçiriləcək prezident seçkilərində iştirak edəcəyinə ümid edir. O əmindir ki, Putin namizəd olmaq qərarına gəlsə, prezident seçkilərində qalib gələcək:

 "Moskvaya qarşı guya “nüvə ritorikası” ilə bağlı ittihamlar ağılsızlıqdır, Rusiya Federasiyası gücünü çox ciddi qəbul edir. 10 ildən sonra Rusiya daha güclü, daha müdrik və zəngin olacaq. Rusların vətənlərini tərk etdikdən sonra tənqid etməyə başlayanları və ya Ukrayna Silahlı Qüvvələrini dəstəkləməyə başlayanları çətin ki, geri qaytarsınlar. Rusiya düşmənlərdən başqa hamı üçün açıqdır. Müharibə dövründə senzura və sərt hökumət tədbirləri lazımdır. Rusiya ilə ABŞ arasında indiki pis münasibətlər ruslarla amerikalıların qarşıdurması demək deyil, bu, Amerika ideologiyası ilə qarşıdurmadır".

 Peskov “məqsəd vasitələrə bəraət qazandırır” ifadəsi ilə razılaşmadığını bəyan edib. O, "iPhone"dan imtina etmədiyini, lakin Amerika texnologiyasının təhlükəliliyi barədə xəbərdarlıq etdiyini bildirib. Sözçü deyib ki, dostları arasında siyasi fikir ayrılıqlarına görə münasibətlərini kəsməli olacağı adam yoxdur.