Saytımızı qiymətləndirin


 
 

Orta aylıq əməkhaqqı artdı
Tarix: 12-09-2023 | Saat: 15:05
Bölmə:Karusel / İqtisadiyyat | çapa göndər

Orta aylıq əməkhaqqı artdı

2023-cü il avqustun 1-i vəziyyətinə ölkə iqtisadiyyatında muzdla çalışan işçilərin sayı 1706,5 min nəfər olub, onlardan 891,7 min nəfəri iqtisadiyyatın dövlət sektorunda, 814,8 min nəfəri isə qeyri-dövlət sektorunda fəaliyyət göstərib.

 

Qarabaqinfo.az bu barədə Dövlət Statistika Komitəsinə istinadən xəbər verir.

 

Muzdla işləyənlərin 19%-i təhsil, 18,7 faizi ticarət; nəqliyyat vasitələrinin təmiri, 12,8%-i sənaye, 8,5%-i əhaliyə səhiyyə və sosial xidmətlərin göstərilməsi, 6,5%-i dövlət idarəetməsi və müdafiə; sosial təminat, 6,4%-i tikinti, 4,3%-i nəqliyyat və anbar təsərrüfatı, 3,7%-i peşə, elmi və texniki fəaliyyət, 3,5%-i kənd təsərrüfatı, meşə təsərrüfatı və balıqçılıq, 2,1%-i maliyyə və sığorta fəaliyyəti, 14,5%-i isə iqtisadiyyatın digər sahələrində məşğul olublar.

 

2023-cü ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 11,3% artaraq 925,3 manat olub. İqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, eləcə də informasiya və rabitə sahələrində orta aylıq nominal əməkhaqqı daha yüksək olub.



Xəbəri paylaş

1194 dəfə oxunub.

Digər xəbərlər

Bu gün, 13:23Sabahın havası