Zimbabvedə prezident seçkiləri ərəfəsində vətəndaşların hökuməti tənqid etməsinə qadağa qoyulur. Ölkə lideri Emerson Mnanqaqva bunu nəzərdə tutan qanun imzalayıb.
Qarabaginfo.az xəbər verir ki, bu barədə “Bloomberg” məlumat yayıb.
Qanun zimbabvelilər arasında vətənpərvərlik hissini inkişaf etdirmək üçün hazırlanıb və qeyri-vətənpərvər davranışa görə cəzalar, hətta ölüm hökmü nəzərdə tutulub.
Qanun yerli sakinlərə həm ölkə daxilində, həm də xaricdə hökuməti tənqid etmək və onu devirməyə çağırmaq üçün mitinqlər keçirməyi qadağan edir. Bu cür əməllər ölkənin suverenliyinə və milli maraqlarına qəsdən zərər vurma kimi qiymətləndiriləcək.(Azpost.info)
