Yevgeni Priqojinin rəhbərlik etdiyi “Vaqner” muzdlularının qiyamından sonra Ukraynadakı Rusiya qoşunlarının komandanının müavini, general Sergey Surovik həbs edilib.

Qarabaqinfo.az xəbər verir ki, bu iddia ilə "The Moscow Times" nəşri çıxış edib.

Nəşr qeyd edir ki, qiyam zamanı Surovikin "Vaqner"ə dəstək verib.

"Görünür, Surovikin qiyam zamanı Priqojinin tərəfini seçib", - məlumatda bildirilir.

Qeyd edək ki, Surovikin əvvəllər Ukraynadakı əməliyyat qüvvələrinin birgə qrupunun komandanı vəzifəsini icra edib. Bu ilin yanvar ayında onu Rusiya Silahlı Qüvvələrinin Baş Qərargah rəisi Valeri Gerasimov əvəz edib, Surovikin isə onun müavini təyin edilib.

General Rusiya ordusu daxilində Priqojinlə əlaqələri olan generallardan biri hesab edilir.