Tarixən Moldova Respublikası fasiləsiz və sistemli şəkildə Azərbaycan Respublikasının ərazi bütövlüyünü dəstəklədiyi kimi, Azərbaycan da beynəlxalq platformalarda hər zaman Moldovaya dəstək verib.

Qarabaginfo.az xəbər verir ki, bunu APA-ya müsahibəsində Moldova Respublikasının Azərbaycandakı səfiri Aleksandr Esaulenko deyib.

“Hesab edirəm ki, çoxtərəfli, beynəlxalq formatlarda Moldova-Azərbaycan münasibətlərinin səviyyəsi hər iki ölkənin üzləşdiyi reallıqlara və tələblərə uyğundur.

Ölkələrimiz arasında BMT, GUAM, TRASEKA çərçivəsində, Qara Dəniz İqtisadi Əməkdaşlıq Təşkilatı xətti ilə çox yaxşı və səmərəli əməkdaşlıq mövcuddur”, - diplomat qeyd edib.