Pakistanın keçmiş baş naziri İmran Xan bildirib ki, polis onun evini mühasirəyə alıb.

Qarabaginfo.az xəbər verir ki, siyasətçi bu barədə tviter səhifəsində məlumat verib.

"Bəlkə də bu, növbəti həbsdən əvvəl son mesajımdır. Polis evimi mühasirəyə alıb", - deyə o yazıb.

Qeyd edək ki, ötən günlərdə Pakistanın sabiq baş naziri İmran Xan İslamabadda məhkəmə binasında saxlanılaraq nəzarətə götürülüb. Məhkəmənin qərarı ilə sabiq hökumət rəhbəri rüşvətxorluq işinə görə 8 sutka həbs olunub. İmran Xanın məhkəməsindən sonra onun tərəfarları ilə polis arasında toqquşma yaşanıb.

İnsident nəticəsində yüzlərlə şəxsin həbs edildiyi bildirilib. Məlumata görə, gecə saatlarından başlayan toqquşmalarda bir nəfər həlak olub, çoxlu sayda sakin yaralanıb.

Pakistanın Ali Məhkəməsi ölkədə davam edən kütləvi etirazlardan sonra keçmiş Baş nazir İmran Xanın həbsini qanunsuz hesab edərək, onun dərhal azadlığa buraxılmasına qərar verib. Daha sonra məhkəmədə onun zaminə buraxılması məsələsinə baxılıb və sabiq baş nazir girov qarşılığında azadlığa buraxılıb.(Modern.az)