Ermənistanın Sünik mərzinin Dığ(Tex) kəndində güclü atışma səsləri eşidilib.

 

Qarabaginfo.az xəbər verir ki, bu haqda “Hraparak” nəşri məlumat yayıb.

 

“Kənddə 15-20 dəqiqə gərgin atışma oldu, sizin zənginizə bir neçə saniyə qalmış atışma dayandı. Bunu “Hraparak”a müsahibəsində “Ümumerməni Milli Dövlətçiliyi” partiyasının sədri, müharibə iştirakçısı Artur Vardanyan söyləyib”- deyə qəzet qeyd edib.

 

Vardanyan kəndə 3 təcili yardım maşının daxil olduğunu da bildirib.

 

“Biz də Tex kənd sakinlərindən biri ilə əlaqə saxladıq, sonuncu onun adının çəkilməməsini xahiş etdi, lakin iyirmi dəqiqə ərzində çox güclü atışma olduğunu təsdiqlədi”- errməni nəşri belə yazıb.

Atışmanın hansı səbəbdən, kimlər arasında baş verdiyi haqda hələlik məlumat verilmir.

 

Xatırladaq ki, Dığ kəndi Laçın rayonu ilə sərhəddə yerləşir.(Moderator.az)