Qərb rəsmiləri hesab edirlər ki, NATO-nun növbəti baş katibi ABŞ-da istənilən administrasiya ilə əməkdaşlıq edə bilən, Ukraynanı dəstəkləyən, lakin “çox döyüşkən olmayan” avropalı olmalıdır”.

Qarabaginfo.az xəbər verir ki, bu barədə “Politico” yazıb.

“NATO-nun növbəti rəhbəri Ağ Evdə hər kəslə yaxından işləyə bilən avropalı olmalıdır”, – nəşr adı açıqlanmayan Qərb rəsmilərindən sitat gətirib.

Həmçinin, nəşrə görə, növbəti baş katib Ukraynanı dəstəkləməli, lakin Rusiyanı təxribata çəkməkdən qorxan ölkələri çəkindirməmək üçün “çox döyüşkən” olmamalıdır.

“Bundan başqa, namizədin keçmiş dövlət və ya hökumət başçısı olmaq üçün ABŞ və Aİ-nin 31 paytaxtından yekdil dəstək ala biləcək səlahiyyətlərdən istifadə etməsi lazımdır”, – mənbələr deyirlər.

“Politico” qeyd edir ki, Avropa Komissiyasının hazırkı rəhbəri Ursula von der Lyayenin namizədliyi maneələrlə üzləşə bilər. Nəşrin məlumatına görə, NATO-nun hazırkı rəhbəri Yens Stoltenberqdən daha 1 il – fon der Lyayenin AK-dəki səlahiyyət müddəti başa çatana qədər qalmaq istənilə bilər. “Stoltenberq gələn yaya qədər qalsa, Ursula fon der Lyayenin namizədliyi məntiqli görünəcək”, – yüksək səviyyəli avropalı diplomat deyib.

“Politico” Niderlandın Baş naziri Mark Rutte, Estoniya Baş naziri Kaya Kallas və İspaniyanın Baş naziri Pedro Sançesi NATO rəhbərliyinə digər potensial namizədlər kimi qeyd edir.

Nəşr onu da qeyd edir ki, Böyük Britaniyanın müdafiə naziri Ben Uolles, Kanada Baş nazirinin müavini Kristia Friland, Rumıniya prezidenti Klaus İohannis və Slovakiya prezidenti Zuzana Çaputova isə daha az nəzərdə tutulan namizədlər arasındadır.(azpost.info)