“Azərbaycan Zəngəzura girəcəyi təqdirdə İran hərbi müdaxilə edəcək”.
Qarabaginfo.az xəbər verir ki, bunu “Vahid Ermənistan” partiyasının rəhbəri Yervand Tarverdyan erməni mediasına müsahibəsində deyib.
Onun sözlərinə görə, “Azərbaycan öz hərəkətləri ilə yeni müharibəni qızışdırmağa çalışır”.
“Biz ermənilər yeni müharibəyə hazır olmalıyıq. Bu gün Qarabağın Ermənistanla əlaqəsinin kəsildiyini, “120 min” erməninin passiv müharibə ilə dünya ilə əlaqəsinin kəsdiyini görürük.
Başa düşməliyik ki, hər an müharibə ola bilər və bundan qorxmamalıyıq. Birləşmək lazımdır. Biz “vətən”imiz uğrunda döyüşməyə hazırıq. Azərbaycan yeni müharibəyə başlamağa çalışsa, bu dəfə uduzacaq. Mən hakimiyyətimizi müharibədən və danışıqlardan qorxmamağa çağırıram. Qorxu düzgün idarə etməyə imkan vermir.
Biz müharibədən qorxuruq, bilmirəm niyə. Müharibə labüddürsə, olacaq, Azərbaycan müharibə etmək qərarına gəlsə, bizim hərəkətimizdən heç nə asılı olmayacaq. Onu güclü dövlətlər dəstəkləyir.
Azərbaycan Ermənistanın, İrəvanın, Zəngəzurun da ona aid olduğunu deyir.
Azərbaycan Prezidenti bəyanatlar verir. Amma bu gün dünyada hər şey hər saniyə dəyişir, hər şey hər an dəyişə bilər”, – Tarverdyan deyib.
O bildirib ki, Ermənistanın xarici siyasəti hazırda dalana dirənib.
“Bizim ABŞ-a dost olan əsas strateji müttəfiqimizlə problemlərimiz var, çünki qeyri-səlis xarici siyasət yürüdürük. Bütün məsələlərdə hamıya “hə” dedik, fərqinə varmadan bunda ziddiyyətlər ola bilər. Xarici siyasət vektorlarını qiymətləndirmək lazım idi. Hətta I Aram da dedi ki, bizim dost ölkəmiz yoxdur”, – erməni siyasətçi deyib.
Tarverdyan hesab edir ki, Ermənistanın təhlükəsizliyi təkcə Rusiyadan asılı deyil.
“Yaxşı danışıqlar aparılarsa, həm Qərbdən, həm də ABŞ və ya Aİ-dən silah almaq olar.
Azərbaycan Ermənistana hücum etsə, beynəlxalq ictimaiyyətin kəskin mənfi reaksiyası ilə üzləşəcək. Dünyada Rusiyadan başqa digər supergüclər var. Xüsusən də ABŞ, Hindistan, İran hər hansı hərbi əməliyyata əl atsa, Azərbaycanı dayandırmağa hazırdır. Məsələn, sentyabr döyüşləri zamanı Rusiya və ABŞ-ın mütənasib təsiri nəticəsində Azərbaycanın hücumu dayandırıldı”, – deyə o bildirib.
Tarverdyan inanır ki, Azərbaycanın Zəngəzura girsə, İran hərbi müdaxilə edəcək.
“Bizim siyasi qüvvəmiz dəfələrlə bəyan edib ki, Ermənistan hakimiyyəti həm İran, həm də Hindistanla danışıqlar aparmalıdır, hətta bu, məcburidir. Çünki Şimal-Cənub marşrutunun işə salınması təkcə Ermənistanın deyil, həm də İran və Hindistanın maraqlarından irəli gəlir. Bu həm də dünyanın əksər supergücləri, o cümlədən Aİ və ABŞ üçün faydalıdır.
Ermənistan hakimiyyəti daha peşəkar və balanslaşdırılmış xarici siyasət aparmalı və ən əsası hakimiyyətdə peşəkar kadrlar olmalıdır.
Hər şeydə kifayət qədər uğursuzluq var. Baş nazirin komandasının üzvləri peşəkar deyillər. O, başa düşməlidir ki, bu komanda ilə problemləri həll edə bilməz”, – deyə – Tarverdyan deyib.(konkret.az)
