“Bəlkə yalnız Xankəndində, Əsgəranda, Ağdərədə yaşayan beyni zəhərlənmiş  bəzi haylar bir az müqavumət göstərə, qalanları asanlıqla tabe olacaq...” 

“Ermənilərlə həm dinc, həm də müharibə dövründə kifayət qədər ünsiyyətdə olmuş, yəni onların xarakterinə bələd biri kimi necə düşünürsüz, əgər Azərbaycan dövləti Xankəndindəki Rusiya və ya Fransadan idarə olunan separatçı-terrorçu xislətli liderlərin, təşkilatçıların zərərsizləşdirilməsinə nail olsa, yerdə qalacaq 10-15 min  erməni Azərbaycan qanunlarına, Konstitusiyasına tabe olub ölkə vətəndaşlığını qəbul edərək Qarabağda dinc yaşayarmı?”

Moderator.az əməkdaşının bu sualla müraciət etdiyi Şuşa rayonunun Malıbəyli kəndindən məcburi köçkün olan tanınmış Qarabağ qazisi, doğma kəndində tabor komandiri, Şuşada  hərbi hissələrdən  birinin kəşfiyyat rəisi kimi vuruşmuş ehtiyatda olan polkovnik Azay Kərimov  bunları söyləyib:

 

“Hesab edirəm ki, separatçı liderləri aradan götürsək də, Qarabağdakı ermənilərin bəziləri yenə də Azərbaycan qanunlarına tabe olaraq bizim vətəndaşlığı qəbul etməyə çəkinəcəklər, ya da buna birbaşa razılıq verməyəcəklər. Mən ermənilərlə uşaqlıqdan, gəncliyimdən qonşuluqda yaşadığımdam bilirəm ki, sadə, yoxsul erməni üçün torpaq hər şeydən əzizdir. Çünki erməni kəndliləri qarışqa kimi bütün yazı-yayı işləyərək hər cür tədarüklərini görür və bütün qışı xımır-xımır yeyirlər. Ona görə də hesab edirəm ki, erməni kəndliləri bilsə ki, yenə sovet dövründən yaşadığı kənddə qalıb torpaqlarını sərbəst əkib-becərə biləcəklər, onlar məmnuniyyətlə Azərbaycan vətəndaşlığını qəbul edəcək və qanunlarına tabe olacaq. Bəlkə yalnız Xankəndində, Əsgəranda, Ağdərədə yaşayan beyni zəhərlənmiş  bəzi haylar bir az müqavumət göstərə, qalanları asanlıqla tabe olacaq...”