İtaliyada zəlzələ olub.

Qarabaginfo.az "euronews"a istinadən xəbər verir ki, Avropa-Aralıq dənizi Seysmoloji Mərkəzi (EMSC) bildirib ki, 5,6 bal gücündə zəlzələ Riminidən 60 kilometr məsafədə qeydə alınıb.

Bildirilib ki, dalğa Romada, Veneto, Friuli və Trentino kimi şimal bölgələrində də ciddi hiss olunub.

Ölkənin Mülki Müdafiə Departamentinin sözçüsü hələ itki və yaralıların qeydə alınmadığını, lakin zəlzələ olan ərazilərdə yoxlamaların davam etdiyini deyib.

İtaliya Geofizika və Vulkanologiya İnstitutunun (INGV) verdiyi məlumata görə, zəlzələnin episentri şərqi Marce bölgəsində, dənizkənarı Pesaro şəhərindən 35 kilometr dənizdə, 7 kilometr dərinlikdə yerləşib.

BBC-nin məlumatına görə zəlzələ Adriatik dənizi boyunca Sloveniya, Xorvatiya və Bosniya və Herseqovinada da hiss olunub.