Türkiyənin xarici işlər naziri Mövlud Çavuşoğlu İranda törədilən terror aktını pisləyib.

Qarabaginfo.az xəbər verir ki, o bu barədə tviterdə yazıb.

“İranın Şiraz şəhərindəki ziyarətgahı hədəf alan mənfur və qəddar terror aktını qətiyyətlə pisləyirik. Həyatını itirənlərə Allahdan rəhmət, yaralananlara isə şəfa arzulayırıq", - M.Çavuşoğlu bildirib.

Qeyd edək ki, oktyabrın 26-da İranın Şiraz şəhərində törədilən terror aktı nəticəsində 20 nəfər ölüb.