Kreml Ukrayna cəbhəsində bütün uğursuzluqlara və Rusiya cəmiyyətində narazılıq yaradan qismən səfərbərliyə görə Rusiyanın müdafiə naziri Sergey Şoyqunu "suç keçisi" təyin edib.

 

Qarabaginfo.az xəbər verir ki, bu barədə Amerikanın müharibəni öyrənən İnstitutunun (ISW) yeni hesabatında deyilir.

 

"Özünün 5 oktyabr fərmanı ilə Putin bütün tələbələrin, o cümlədən qiyabiçilər və magistraturada təhsil alanların səfərbər edilməsini təxirə salıb.

 

Öz fərmanını Putin onunla izah edib ki, "müdafiə nazirliyi səfərbərliyə düşməyələrin siyahıları üzrə normativ-hüquqi bazaya vaxtında dəyişikliklər etməyib, ona görə də korrektələr etmək zəruridir".

 

Müdafiə nazirliyinin belə birbaşa tənqidi dolayısıyla Şouqunun tənqid edilməsidir, görünür, Putin  Ukraynaya hərbi müdaxiləsinin uğursuzluqlarının günahını onun öz üzərinə götürməsinə hazırlıq görür", - amerikalı analitiklər yazır.

 

Maraqlıdır ki, müdafiə nazirliyinin ünvanına neqativ bəyanatlar artıq Dövlət Dumasında da səsləndirilir.

 

Söhbət müdafiə üzrə komitənin rəhbəri general-polkovnik Andrey Kartapolovdan gedir, o, hərbi idarənin Ukraynadakı vəziyyət barədə yalan damışmamağı tələb edib. Kartapolovun bəyanatı da həmçinin "Şoyquya zərbədir",  ISW qeyd edir.

 

Analitiklər güman edib ki, Putin böyük ehtimalla Şoyqunu imkan daxilində vəzifəsindən azad etməkdən çəkinəcək, çünki bu zaman "davam edən hərbi uğursuzluqlarda Şoyqunu günahlandırmaq ona sərfəli olacaq".

 

"Həmçinin Rusiya mətbuatında vurğulanır ki, Putin "müntəzəm olaraq hərbi müxbirləri qəbul edir, onların hesabatlarını diqqətlə oxuyur, düzgün suallar verir və obyektiv cavablar alır".

 

Beləliklə, federal KİV-lər bu cür "dürüst ünsiyyəti" müdafiə nazirliyinin Putinlə qarşılıqlı əlaqədə olaraq dürüst olmayan üsulu ilə qarşı-qarşıya qoyur", - ISW bəyan edib.(Moderator.az)