“Bu gün Ermənistanın gələcəyi üçün Paşinyanı aradan çıxarmaq lazımdır. Bu, erməni xalqı üçün böyük hədiyyə olacaq”.

Qarabaginfo.az xəbər verir ki, bu sözləri Ermənistanın üçüncü prezidenti Serj Sarkisyan deyib.

“Bu gün "Artsax"da (red-Qarabağ) illər əvvəl olduğu kimi ənənəvi təbriklər, bayram atəşfəşanlığı və ümumxalq sevinci günü deyil. İndi bizim üçün matəm günüdür. Hələ müstəqilliyimiz də təhlükə altındadır. Müstəqil və ləyaqətlə yaşayan xalqımız artıq yoxdur. Sülhsevər hakimiyyət Ermənistanda evlərinin qapılarını Azərbaycana açıb. Ermənistan üçün təhlükələr günü-gündən daha çox narahatedici olacaq.

Təxribatçı və milləti dağıdıcı idarəçilərin bir gün əvvəl işdən çıxarılması yalnız ölkəni bu acınacaqlı vəziyyətdən çıxarmaq, layiqli danışıqlar aparmaq, tərəfdaşlarla münasibətləri tənzimləmək imkanı yarada bilər. Bu sadə həqiqəti dərk etməmək "Artsax" və Ermənistan üçün fəlakətli ola bilər.

Müstəqil və azad yaşamaq hüququmuz artıq yoxdur. İndi isə Nikol Paşinyanı aradan çıxarmaq xalq üçün əsas hədiyyə ola bilər. İndi biz bunun üçün birləşməliyik”, - deyə Sarkisyan Qarabağdakı qondarma rejimə ünvanladığı məktubda qeyd edib.