Rusiya Federasiyasında səfərbərlik hələlik elan edilməyəcək, lakin Rusiya hakimiyyəti Federasiya subyektlərinə hər bir regionda müharibədə iştirak etmək üçün könüllü taborlar yaratmağı əmr edib.

 

Qarabaginfo.az xəbər verir ki, bu barədə Müharibəni Öyrənən İnstitut (İnstitute fot the Study of War, ISW) məlumat verib.

 

Kreml potensial yeni cəlb edilənləri hər vasitə ilə Rusiya-Ukrayna müharibəsində iştirak etməyə stimullaşdırmaq qərarına gəlib.

 

Həvəsləndirmə tədbiri kimi 6 aylıq müqaviləyə görə həvəsləndirmək məqsədilə kişilərə 3750-6000 ABŞ dolları əmək haqqı təklif edilir. Ayrı-ayrı regionlarda bonus olaraq dərhal 3400 dollar köçürmə təklif edilir.

 

Xidmətə 50 yaşınadək kişiləri, ayrı-ayrı hərbi ixtisaslar üzrə 60 yaşınadək olan insanları cəlb etmək planlaşdırılır. Ukraynaya göndərilməzdən öncə yeni cəlb edilənlər bir aylıq hərbi hazırlıq keçəcək.

 

Hələ iyunun sonunda və iyulun əvvəlində Kurskda, Başqırdıstanda, Çuvaşiyada, Çeçenistanda, Tatarıstan Respublikasında, Perm, Nijeqorodsk və Orenburq vilayətlərində könüllü taborların yaradılması və ya yerləşdirilməsi təsdiq edilib. Həmçinin Tümen vilayətində də bölmələr formalaşdırılır. Moskvada "Sobyanin alayı" adı altında xüsusi hərbi bölmə formalaşdırılıb, Rusiya paytaxtının şəhər büdcəsindən maliyyələşdirilir.

 

Estoniyanın "Delfi" nəşrinin jurnalistləri müəyyən edib ki, mart ayından başlayaraq Rusiya müdafiə nazirliyi Rusiyanın işədüzəltmə üzrə portallarında kütləvi iş elanları yerləşdirir. Ən geniş yayılan elan müqavilə üzrə hərbi qulluqçu axtarılması elanıdır, lakin təkliflər tibb işçisindən tutmiş snayperədək dəyişir. Belə vakansiyalar sosial şəbəkələrdə yüzlərlədir.

 

Jurnalistlər onların bəzilərinə zəng edib. Onlara müqavilə üzrə seçim məntəqələrinin nümayəndələri cavab verərək, çağırış məntəqələrinin yerləşdiyi ünvanlar üzrə

söhbət üçün dəvət edib.

 

"Müqavilə üzrə seçim məntəqəsi, Bryansk şəhəri. Çavuş Kaluqin eşidir", - nəşr belə bir cavabı dərc edib.

 

Belə seçim məntəqələrinə, sadəcə, söhbətə dəvət edilmir, birbaşa deyilir ki, cəmisi 3-4 günlük təlimdən sonra cəbhəyə yollanmağa inkan veriləcək.

 

Bundan öncə məlumat verildiyi kimi, Rusiya ordusuna hətta məhbusları da cəlb edib, cəhbədə 6 ay xidmət üçün onlara amnistiya və 200 min rubl, həlak olacaqları təqdirdə qohumlarına maddi kompensasiya ödənilməsi vəd edilir.