Türkiyənin Artvin şəhərində baş verən torpaq sürüşməsində ölən şəxs azərbaycanlıdır.

Qarabaginfo.az xəbər verir ki, bu barədə Azərbaycan Beynəlxalq Avtomobil Daşıyıcıları Assosiasiyasının (ABADA) şöbə müdiri Ruslan Eldaroğlu sosial şəbəkədə məlumat yayıb.

O bildirib ki, hadisə zamanı bir azərbaycanlı sürücü həlak olub: “Uçqun nəticəsində Türkiyə vətəndaşı olan daha iki TIR sürücüsü də xəsarət alıb. Vəfat edən sürücümüzün kimliyini müəyyən etmək istiqamətində ABADA tərəfindən işlərə başlanılıb”.