Əgər Kiyev Rusiya ərazisinə "silahın çata biləcək dərinliyinədək" zərbələr endirməsə, Ukrayna İsrailə çevriləcək.

Qarabaginfo.az xəbər verir ki, bu barədə ukraynalı hərbi ekspert Oleq Jdanov "QORDON" internet nəşrinin təsisçisi Dmitri Qordona müsahibəsində bəyan edib.

 

Jurnalistin onun "özü Rusiya ərazisinə zərbələr endirilməsi barədə əmr verərdimi? " sualını cavablandırarkən deyib: 

 

"Mən endirərdim. Bəli, silahın çata biləcək dərinliyinədək zərbələr endirmək lazımdır, yoxsa biz İsrailə çevriləcəyik, orada daima permanent müharibə gedir, onlar, sadəcə, müharibə şəraitində yaşayır".

 

Jdanov hesab edir ki, hazırda Ukrayna ordusu qoşunlarının Xarkov vilayətində Rusiya ilə sərhədə çıxışı yoxdur.

 

"Bu gün yox. Çünki yenə də düşmən üzərində atəş üstünlüyünə malik olmaq üçün silahlar çatışmır. Və bir məqamı da qeyd edim. Orada bizim prezidentimizin siyasi qərarı olmalıdır. O, bu qərarı verəcəkmi və biz Rusiya Federasiyası ərazisinə zərbələr endirəcəyikmi, məsələ bundan ibarətdir", - Jdanov izah edib.

 

Onun fikrinə görə, Silahlı Qüvvələrdən istifadə etməyə imkan verən hərbi vəziyyət kimi hüquqi məqamı müharibə vəziyyətindən dəqiq ayırmaq lazımdır.

 

"Müharibə elan edilsəydi, biz heç nəyi düşünmədən zərbələr endirərdik, çünki bu, müharibənin aparılması çərçivəsi daxilindədir, yəni söhbət düşməni silahların çata biləcək dərinliyinədək məhv edilməsindən gedəcək. Hərbi vəziyyət şəraitində müharibənin aparılmasına gəldikdə, burada, məni bağışlayın, Ali Baş Komandanın siyasi qərarı lazımdır", - Jdanov vurğulayıb.(moderator.az)