İran, Rusiya və Azərbaycanın elektrik şəbəkələrinin sinxronlaşdırılması layihəsini müzakirə edib və maneələrin aradan qaldırılmasına və layihənin tez bir zamanda həyata keçirilməsinə çağırırıq.

Qarabaginfo.az xəbər verir ki, bunu hazırda İranda səfərdə olan Azərbaycanın Baş nazirinin müavini Şahin Mustafayev ilə görüşündə İranın energetika naziri Əli Əkbər Mehrabian bildirib.

Onun sözlərinə görə, iki ölkə elektrik şəbəkələrinin sinxronlaşdırılması və elektrik stansiyalarının birgə tikintisi kimi böyük birgə elektrik layihələrini müzakirə ediblər: “Biz İran və Azərbaycan arasında mövcud maneələrin aradan qaldırılması və müxtəlif sahələrdə, o cümlədən su elektrik stansiyalarının birgə tikintisi də daxil olmaqla, əlaqələrin genişləndirilməsi üçün əsas məsələləri müzakirə etdik”.

Görüşdə bildirilib ki, İran və Azərbaycan son bir neçə ildə iqtisadi əlaqələrin genişləndirilməsi üçün ciddi tədbirlər həyata keçirib.

Qeyd edək ki, 2019-cu ilin noyabr ayında ilk dəfə İran İraqın milli elektrik şəbəkəsi ilə enerji şəbəkəsini sinxronizasiya edib və İranın Energetika Nazirliyi Rusiya və Azərbaycanın elektrik şəbəkələrini İran şəbəkələri ilə birləşdirməyi planlaşdırır. İranın Energetika Nazirliyi, İran, Azərbaycan və Rusiyanın elektrik şəbəkələrinin sinxronlaşdırılması üçün bir araşdırma layihəsini həyata keçirib.Yay və qışda bu ölkələrin fərqli pik istehlakı dövrləri səbəbindən müxtəlif vaxtlarda ölkələrin elektrik ehtiyaclarını ödəmək üçün elektrik tranzitini artırmaq mümkünlüyü bildirilir.

İran və Rusiyanın güc şəbəkələrinin sinxronlaşdırılması üçün iki mümkün marşrut var, bunlardan biri Ermənistan və Gürcüstan vasitəsilə, digəri isə Azərbaycan vasitəsilədir.