Luqansk vilayətindəki Beloqorovka yaşayış məntəqəsi yaxınlığında vəziyyətin inkişafı "darmadağın edilmə" deməkdir və Moskvada, sərt informasiya nəzarətinə rəğmən, "fəlakət hissi" yaradır.

 

Qarabaginfo.az xəbər verir ki, bu barədə "The New York Times" nəşri yazıb.

 

Məqalədə iddia edilir ki, Beloqorovka ətrafında gedən döyüşlərdə təxminən 500 rusiyalı həlak olub və ya yaralanıb, ukraynalılar 80 vahiddən çox düşmən texnikasını məhv edib.

Müəllif güman edib ki, əgər itkilər barədə məlumat dəqiqdirsə, o zaman döyüşlərin nəticələrini Rusiyanın hərbi- dəniz donanmasının flaqmanı  olan "Moskva" kreyserinin itkisi ilə müqayisə etmək olar.

 

Mayın 10- da Luqansk vilayəti şəhər administrasiyasının rəhbəri Sergey Qayday Beloqorovka rayonunda Şimali Donetsdən (Şərqi Ukraynada ən iri çay və Don çayının ən iri qolu) keçən ponton keçidlərinin məhv edilməsi barədə bəyan edib.

 

Sosial şəbəkələrdə Şimali Donets çayı yaxınlığında çoxlu sayda məhv edilmiş  texnikanın peyk şəkilləri və fotoları yayılıb.

 

NATO- nun baş katibi Yens Stoltenberq alyansın iclasında bəyan edib ki, Ukrayna Rusiya ilə müharibədə qalib gələ bilər, bunu AFR nəşri yazıb.

 

"Rusiyanın Ukraynadakı müharibəsi Moskvanın planlaşdırdığı kimi getmir. Onlar Kiyevi ələ keçirə bilmədilər, Xarkovdan geri çəkilir, Donbasdakı iri hücumu isə baş tutmayıb", - Stoltenberq deyib.

 

Ekspertlər diqqəti Rusiyanın ABŞ- dakı səfiri Anatoli Antonovun kifayət qədər gözlənilməz və bir çoxları üçün anlaşılmaz bəyanatına çəkib.

Bu bəyanatda "təslim olmaq" sözü səsləndirilib.

 

"Biz, hər halda burada işləyən rusiyalı diplomatlar, qətiyyətlə, aydın şəkildə və birmənalı olaraq əminik ki, heç bir kapitulyasıya olmayacaq, heç vaxt olmayacaq. Biz möhkəm əminik ki, Ali Baş Komandanın bizim Silahlı Qüvvələrimiz qarşısında qoyduğu vəzifələr tamamilə icra ediləcək", - diplomat bəyan edib.

 

"Anatoli Antonov ABŞ- ı inandırır ki, Moskvanın Uktaynaya təslim olması baş verməyəcək", - bu sözlərə "Regnum" agentliyi aydınlıq gətirib.(Moderator.az)