Tarix: 13-05-2022 | Saat: 16:02
Bölmə:Karusel / Gündəm | çapa göndər
İşğaldan azad edilmiş ərazilərə getmək istəyən, yaşı 18-dən aşağı olan vətəndaşlara bilet satılmır.
Bu qadağa nə vaxt aradan götürüləcək?
Qarabaginfo.az xəbər verir ki, Rəqəmsal İnkişaf və Nəqliyyat Nazirliyindən Trend-ə açıqlamada məsələnin gündəmdə olmadığı bildirilib.
"İşğaldan azad edilmiş ərazilərə təşkil olunan avtobus reyslərinə ilkin mərhələdə yaşı 18-dən yuxarı Azərbaycan vətəndaşları bilet ala bilər. Yaşı 18-dən aşağı vətəndaşlara azad edilmiş ərazilərə valideynlərin müşayiəti ilə də getməyə icazə verilmir. Əsas səbəb uşaqların təhükəsizliyidir. Növbəti mərhələlərdə bu məsələyə baxılacaq", - açıqlamada deyilir.
Qeyd edək ki, Şuşa və Ağdam şəhərlərinə yanvarın 24-də ilk müntəzəm avtobus marşrutları istifadəyə verilib. Biletlər Rəqəmsal İnkişaf və Nəqliyyat Nazirliyinin müvafiq marşrut proqramı ilə inteqrasiya olunmaqla yaradılan www.yolumuzqarabaga.az portalı üzərindən onlayn qaydada satılır.
Digər xəbərlər
