"Ukraynada "Azov" alayının bölmələri ilə yanaşı, İsraildən olan muzdlular da döyüşür".
Qarabaginfo.az "Sputnik"yə istinadla xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.
"İsraildə indi informasiya kampaniyasını şişirdən siyasətçilərin çətin ki, bunu eşitmək istəsinlər. Amma ola bilsin ki, onlar üçün maraqlı olsun. Ukraynada israilli muzdlular əslində, "Azov" yaraqlıları ilə çiyin-çiyinə döyüşür", - deyə Zaxarova "Sputnik" radiosunun efirində bildirib.
Xarici İşlər Nazirliyinin nümayəndəsi əlavə edib ki, İsrail bundan xəbərsiz ola bilməz.
