Türkiyədə gənclər arasında Beynəlxalq Velosipedçilər İttifaqının 2.1 kateqoriyalı “Manavgat Side Junior” yarışı start götürüb.

Qarabaginfo.az xəbər verir ki, 10 ölkədən 16 komandanın tərkibində 86 velosipedçinin mübarizə apardığı turnirin 1-ci günündə iştirakçılar fərdi ötüşmə növündə bacarıqlarını nümayiş etdiriblər.

Yarışda iştirak edən Azərbaycanın gənclər yığmasının lideri Kamran Mirzəxanov 6,3 km məsafəni 8 dəqiqə 36 saniyəyə qət etməklə ilk mərhələni 9-cu sırada başa vurub. O, birinci yarış gününün qalibi, Belçikanın "Cannibal" klubunun ABŞ-dan olan üzvü Artyom Şmitdən 31 saniyə geri qalıb.

İkinci yarış günündə velosipedçilər 107 km məsafəyə qrup ötüşməsində mübarizə aparacaqlar.