Rusiya ordusu planlaşdırılan təlimdən sonra Krımdan geri çəkilməyə başlayıb.
Qarabaginfo.az xəbər verir ki, bu barədə Rusiya Müdafiə Nazirliyinin mətbuat katibi İqor Konaşenkov rus qoşunlarının öz qarnizonlarına qayıtdığını açıqlayıb.
Sözçü, "Sözügedən qoşunlar dəmir yolu və avtomobil yolu ilə bağlı olduqları qarnizonlara qayıtmaq üçün lazımi yükləmələri etməyə başlayıblar" , - deyə bildirib.
Konaşenkov Belarusda davam edən təlimlərə xarici ölkələrin hərbi attaşelərinin də dəvət edildiyini bildirib.
