Qazaxıstanla Rusiya arasında strateji tərəfdaşlıqla bağlı mühüm sazişlər imzalanacaq.

Bu barədə Qazaxıstan Prezidenti Kasım-Jomart Tokayev Kremldə Rusiya Prezidenti Vladimir Putinlə danışıqlar zamanı bildirib.

“Həqiqətən də, qarşıdakı danışıqların gedişində biz Qazaxıstanın, ümid edirəm ki, hər iki ölkənin strateji maraqlarına həqiqətən də toxunan bir sıra aktual məsələlər ətrafında fikir mübadiləsi aparmağı planlaşdırırıq. Mühüm sazişlər imzalanacaq. Ümumiyyətlə, strateji qarşılıqlı fəaliyyətimizdə, müttəfiqlik münasibətlərimizdə konkret nəticələrə nail olmağa qərarlıyıq. İnanıram ki, burada biz istədiyimiz nəticələrə nail olacağıq”, - Tokayev vurğulayıb.