İngiltərənin “Arsenal” və İspaniyanın “Barselona” klubu qabonlu futbolçu Pyer-Emerik Obameyanqın transferi ilə bağlı şifahi razılığa gəliblər.

İlkin məlumata görə futbolçu “Barselona”ya azad agent statusunda keçəcək.

32 yaşlı forvard cari mövsümün sonunadək “Barselona”da hər həftəsinə görə 5 min avro maaş alacaq. Gələcəkdə futbolçu müqaviləni uzatmaq qərarına gəlsə, onun məvacibinin daha yüksək olacağı bildirilir.

Qeyd edək ki, Obameyanq bu mövsüm “Arsenal”da 14 oyun keçirib və yalnız dörd qol vurub.

Mənbə: Mundo Deportivo