Bakı-Quba yolunda avtomobil yanıb.
"Report"un Sumqayıt-Abşeron bürosunun məlumatına görə, hadisə Ceyranbatan qəsəbəsi ərazisində baş verib.
Belə ki, hərəkətdə olan "Opel-Astra" markalı minik avtomobili anidən yanmağa başlayıb.
Sürücü dərhal maşını saxlayıb. Hadisə yerinə yanğınsöndürənlər cəlb edilib və yanğın söndürülüb.
Yanğın zamanı xəsarət alan olmasa da avtomobil tamamilə yararsız hala düşüb
Faktla bağlı araşdırma aparılır.
