İstanbulla İrəvan arasında aviareyslər yerinə yetirəcək “Pegasus Airlines” və “Flyone Armenia” aviaşirkətləri “hava vergi”sindən azad olunub.

Bu barədə məlumatı Ermənistan Mülki Aviasiya Baş İdarəsi yayıb. “Hava vergisi” ilə bağlı güzəştin 3 il müddətində qüvvədə olacağı söylənilib.

Ermənistanda 10 ildən artıqdır ki, qüvvədə olan “hava vergi”si aviabiletin qiymətinə daxil edilir.

Türkiyə ilə Ermənistan arasında reyslərin fevralın 2-dən açılması gözlənilir. (“Sputnik Armenia”)