Yığılan borc səbəbindən İran İraqa qaz nəqlini dayandırıb.

Qarabaginfo.az xəbər verir ki, bu barədə İraqın Energetika Nazirliyinin sözçüsü Əhməd Musa açıqlama verib.

“İrandan İraqa nəql olunan 4 ayrı qaz kəməri istismardan çıxarılıb və bununla da İrandan gündəlik 50 milyon kubmetr qazın həcmi 8,5 milyon kubmetrə enib. Bu səbəbdən İraqda iki gündür uzunmüddətli elektrik kəsilməsi yaşanır”, – sözçü deyib.

Bildirilib ki, Bağdad, Kərkük, Diyalə, Nəcəf, Kərbəla, Kadisiyə, Musənna və Babil kimi vilayətlərdə 2 gündür elektrik enerjisi kəsilib.

Ə.Musa İraqın Maliyyə Nazirliyinə zəng edərək İrana olan qaz borcunun ödənilməsini tələb edib.