“Vakant yerlərin formalaşması, uşaq və müəllimlərlə, direktorların işə qəbulunda rəqabətlilik prinsipinə diqqət etməliyik".

Qarabaginfo.az xəbər verir ki, bu sözləri Təhsil Naziri Emin Əmrullayev cənab prezidentin təhsil sahəsində imzaladığı sərəncamla bağlı keçirdiyi brifinq zamanı deyib.

O qeyd edib ki, biz daha çox özəl sektorun sayının artırılmasına diqqət etməliyik:

“Çalışmalıyıq ki, alternativ təhsil müəssisələri ilə bağlı addımlar atılsın, Dövlət məktəblərində 5 yaşlı uşaqların təhsilə cəlb edilməsi 80 %-dən yuxarıdır. Uşaqlar bir il daha tez tədrisə başlayırlar. Bəzi fikirlər təəssüf ki, təhrif olunur. Ancaq uşaq nə qədər tez tədrisə başlasa gələcək fəaliyyəti üçün vacibdir. Bu elə başa düşülməsin ki, 1-ci sinfə bir il tez başlanılacaq".