Dünyanın əksər ölkələri professional orduya keçid edirlər. Hərbçiləri müqavilə əsasında xidmətə cəlb edən belə ordular yüksək döyüş intizamı ilə seçilir.

Professional orduya ən uğurlu misal kimi qardaş Türkiyəni misal göstərmək olar. Müharibə şəraitində olduğu üçün hərbi mükəlləfiyyətli kişilərin hamısı Azərbaycan Ordusun da xidmət keçməli idi.

Bəs Azərbaycan professional orduya nə vaxt keçəcək? Keçid planları barədə məlumat varmı?

Hərbi ekspert Şair Ramaldanov Azərbaycan ordusunun tədricən bu sistemə keçəcəyini söyləyib. Onun fikrincə, hərbi xidmət müddətinin azaldılması hazırda arzuolunan deyil.

“Professional orduya keçid müharibədən öncədə başlamışdı. Müharibəyə qədər Azərbyacanda proses 70%-ə qədər tamamlanmışdı. O vəzifələri müdddətdən artıq xidmət edənlər daşıyırdılar. Azərbaycan tam professional olmasa da, buna keçid üçün əsas işlərini yekunlaşdırıb.  Professional orduya tələb olunan çox şey artıq Azərbaycan ordusunda fəaliyyət göstərir.  Məncə, hərbi xidmət müddətinin azaldılmasına ehtiyac yoxdur. Bunun üçün “Hərbi xidmət haqqında” qanuna müəyyən dəyişikliklər olmalıdır”.

Milli Məclisin insan hüquqları komitısinin üzvü Zahid Oruc  Modern.az-a danışarkən bölgə dövlətlərində hərbi risklərə baxışların dəyişdiyini söyləyib. O, Azərbaycanin professional orduta keçidi yekunlaşdırmaq üzrə olduğunu əlavə edib.

“Ölkənin gələcəkdə hərbi doktrinasını dəyişməsi, təhlükəsizlik sistemindəki kardinal dəyişiklikləri nəzərə alaraq atılması gərəkən addımlar var. Onunla birlikdə ordu ilə bağlıda bir neçə qərarlar qəbul oluna bilər. Bölgə dövlətlərində hərbi risklərə baxışlar dəyişib. Eyni zamanda biz Qarabağ müharibəsindən qalib çıxandan sonra bu yöndə işlər görürük. Ancaq bunla bərabər, müqavilə əsasında yeni ordu yarana bilər. Müxtəlif təlimatlar, səndələr, normativlər, proqramlar yenilənməlidir. Müharibədən sonra Ali Baş Komandan dedi ki, orduda moderinləşməni döyüş vaxtında müşahidə edirdik.  Azərbaycan Silahlı Qüvvələri öz peşəkarlığını qoruyub saxlamaqla müxtəlif sahədə moderinləşməyə getməyi bir vəzifə kimi qarşıya qoyubdur. Müdafiə Nazirliyinin bu yöndə açıqlamalarını eşitmişik, Azərbaycan professional orduya tam olaraq keçid etmək dövrünü yekunlaşdırır. Ordu prosesi dövlətin həm büdcə xərclərində, həm də siyasətində öndə gedir, bundan sonrada biz daim qələbə gətirən Silahlı Qüvvələrimizin yanında olcağıq”.

Modern.az