Bərdədə hamilə qadının ölümü ilə bağlı rəsmi məlumat açıqlanıb.

Qarabaginfo.az xəbər verir ki, Bərdə Rayon Mərkəzi Xəstəxanasından Modern.az-ın sorğusuna cavab olaraq bildirilib ki, 1991-ci il təvəllüdlü Hüseynova Nailə Mürvət qızı  tibb müəssisəsinə sağ tərəfli boru hamiləliyi diaqnozu ilə daxil olub:

“20 oktyabr 2021-ci ildə üzərində tuboektomiya əməliyyatı icra edilib. Əməliyyat saat 15:40-da başlayıb, 16:20-də bitib. Xəstə səhər saatlarında çarpayıdan qalxarkən qəflətən vəziyyəti pisləşib. Aparılan reanimasyon tədbirlərə baxmayaraq, vəfat edib.

İlkin ehtimala əsasən, onun ölümünə ağciyər arteriyasının trombemboliyası səbəb olub”.