Sumqayıtda piyadanın ölümü ilə nəticələnən yol-nəqliyyat hadisəsi baş verib.

Qarabaginfo.az xəbər verir ki, ötən gün saat 21:15 radələrində Bakı-Quba-Dağıstan sərhəddi avtomobil yolunun Sumqayıt şəhəri ərazisindən keçən 48-ci km-də Astara rayon sakini 1978-ci il təvəllüdlü sürücü Paşayev Zaur Ağadadaş oğlu idarə etdiyi “Mercedes-Benz Atego” markalı, 90-SZ-211 dövlət qeydiyyat nişanlı yük avtomobili ilə Bakı şəhəri istiqamətində hərəkətdə olarkən yolu soldan sağa keçən Sumqayıt şəhər sakini 1990-cı il təvəllüdlü piyada Qəniyev Vüsal Tofiq oğlunu vurub və o, hadisə yerində ölüb.

İlkin məlumata görə, piyada V.Qəniyev yolun hərəkət hissəsini piyadaların hərəkəti üçün nəzərdə tutulmayan yerdən keçib və bu da onun həyatı bahasına başa gəlib.

Faktla bağlı Cinayət Məcəlləsinin 263.2-ci maddəsi ilə cinayət işi başlanılıb, araşdırma aparılır.