Bu gün Aşura günü ilə əlaqədar YAP Gəncə şəhər təşkilatının sədri, millət vəkili  Naqif Həmzəyev gənclərlə qanvermə aksiyasında iştirak edib.

"Qarabaginfo"  xəbər verir ki,  qanvermə aksiyası Gəncədə - İmamzadə ziyarətgahında və Mərkəzi Qan Bankının Gəncə filialında keçirilir.

Millət vəkili bu barədə Facebook səhifəsində paylaşım edib. O bildirib ki, humanist xarakterli aksiyada toplanan qan hemofiliyalı və talassemiyalı, həmçinin qana ehtiyacı olan bütün xəstələrin müalicəsində istifadə olunacaq. O, həmçinin Gəncədə - İmamzadə ziyarətgahında vətəndaşların ziyarətlərini rahat və təhlükəsiz etmələri üçün yaradılmış şəraitdən razılı qaldığını deyib qanvermə aksiyasının yüksək səviyyədə təşkil edildiyini söyləyib.

Qeyd edək ki, qanvermə aksiyası günün sonuna kimi davam edəcək.