Qarabaginfo.az xəbər verir ki, bu barədə Ermənistanda fəaliyyət göstərən 1-ci kanal reportaj hazırlayıb.
Reportajda bildirilir ki, Azərbaycan dilinin tədrisi ilə bağlı müraciətləri təmin etmək üçün Ermənistanda Azərbaycan dili Mərkəzi açılıb. Həmin Mərkəzdə Azərbaycan dilinin qrammatikası, ədəbi dili və yazılı nitqi ilə yanaşı danışıq dili də tədris ediləcək. Tədrisə Ermənistanın şərqşünas alimləri ilə yanaşı, bu dildə yaxşı danışan erməni vətəndaşları cəlb ediləcək.
Xəbərdən məlum olur ki, Ermənistan hakimiyyəti, müvafiq dövlət strukturları Azərbaycan dilinin erməni vətəndaşlarına öyrədilməsində maraqlıdır. Əlbəttə, burada yalnız xoş niyyət axtarmaq olmaz. Çünki, düşmənin bizim dilimizi öyrənməsinin arxasında müxtəlif məqsədlər dayanır.
Mərkəzin yaradıcılarından biri Aşot Movsesyan hesab edir ki, bu addım gələcəkdə Azərbaycanla mübarizədə mühüm rol oynayacaq.(Konkret)
