Saytımızı qiymətləndirin


 
 

“Saatlı Gənclər Evi”nin direktoru rüşvətə görə həbs edildi
Tarix: 12-02-2021 | Saat: 17:29
Bölmə:Karusel / Gündəm | çapa göndər

 

“Saatlı Gənclər Evi”nin direktoru rüşvətə görə həbs edildi

"Saatlı Gənclər Evi” sosial xidmət müəssisəsinin direktoru vəzifəsində işləmiş Quliyev Əzizağa Kişibala oğlunun qanunsuz hərəkətləri barədə vətəndaşın müraciəti əsasında Saatlı rayon prokurorluğunda araşdırma aparılıb.

Bu barədə Saatlı Rayon Prokurorluğundan məlumat verilib.

Aparılan araşdırmalarla Əzizağa Quliyevin “Saatlı Gənclər Evi” sosial xidmət müəssisəsinin direktoru vəzifəsində işləyən zaman, Matan Məmmədovanı xadimə işinə qəbul etmək müqabilində 1000 manat, qızı Jalə Həvəskarini isə kompyuter üzrə mütəxəssis ştatına işə qəbul etmək üçün 2000 manat məbləğində pulu rüşvət qismində almasına əsaslı şübhələr müəyyən edilib.

Faktla bağlı Saatlı Rayon Prokurorluğunda cinayət işi başlanmaqla, Quliyev Əzizağa Kişibala oğlu Cinayət Məcəlləsinin 311.3.2-ci (rüşvət alma təkrar törədildikdə) maddəsi ilə təqsirləndirilən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Hazırda cinayət işi üzrə zəruri istintaq tədbirləri davam etdirilir.Report



Xəbəri paylaş

1344 dəfə oxunub.

Digər xəbərlər
16-10-2021, 21:33 SOCAR da məlumat yaydı