ABŞ-da 40 trilyon dolları keçən dövlət borcunun azaldılması üçün əhali arasında narazılıq yaradacaq tədbirlərin görülməsi gündəmə gələ bilər.

Bu barədə "The Washington Post" yazıb.

Nəşrin məlumatına görə, ABŞ hökumətinin gəlirlərindən daha çox xərcləməsi nəticəsində dövlət borcu hər il artır. Hazırda 30 illik ABŞ dövlət istiqrazlarının gəlirliliyi 5,27%-i keçib.

Ekspertlər hesab edir ki, borcun azaldılması üçün əsas variantlar vergilərin artırılması və dövlət xərclərinin azaldılmasıdır. Hər iki addımın siyasi baxımdan populyar olmadığı vurğulanır.