Ermənistanın Baş naziri Nikol Paşinyan Rusiyanın Ermənistanla münasibətlərə yanaşmasını tənqid edib.

Qarabaginfo.az xəbər verir ki, Paşinyan bildirib ki, Moskva Ermənistanla ya müstəsna münasibətlərin olmasını, ya da ümumiyyətlə münasibətlərin olmamasını nəzərdə tutur.

Onun sözlərinə görə, İrəvan isə fərqli yanaşma seçib: “Ermənistan özünə əvvəllər malik olmadığı alternativlər formalaşdırıb və bu, təkcə iqtisadi deyil, həm də siyasi sahələri əhatə edir.”

Paşinyan vurğulayıb ki, Ermənistan Çin, Fransa, ABŞ, Böyük Britaniya, Niderland və digər ölkələrlə strateji tərəfdaşlıq sənədləri imzalayıb.

"Əvvəllər Ermənistanın bu qədər tərəfdaşla belə münasibətləri yox idi və ya ola bilməzdi. Problem də məhz bundadır", – deyə Paşinyan bildirib.