Böyük Britaniyanın yeni Baş naziri Endi Börnhem zəng edəcəyi ilk xarici liderlər arasında ABŞ Prezidenti Donald Tramp və Ukrayna Prezidenti Volodimir Zelenskinin olacağını bildirib.

Qarabaginfo.az xəbər verir ki, yeni Baş nazir bunu Dauninq Stritdə çıxışından sonra yayımlanan televiziya müsahibəsində deyib.

Börnhem vurğulayıb ki, Zelenskiyə Böyük Britaniyanın Ukraynaya dəstəyinin dəyişməyəcəyini açıq şəkildə bildirəcək.

"Prezident Zelenskinin Böyük Britaniyanın dəstəyinin sarsılmaz və qəti olduğuna dair heç bir şübhəsi olmayacaq. Biz onun yanında olacağıq və mən də şəxsən onun yanında olacağam", – deyə Baş nazir bildirib.

O əlavə edib ki, sələfi Kir Starmer kimi Ukraynanı "100 faiz" dəstəkləməyə davam edəcək.