Roma Papası XIV Leo ABŞ və İran arasında memorandumun imzalanmasının onların münaqişəsini həll edəcəyinə və hərbi əməliyyatların yenidən başlamasının qarşısını alacağına ümid etdiyini deyib.

Qarabaginfo.az xəbər verir ki, Papa XIV Leo bu barədə Roma yaxınlığındakı iqamətgahında jurnalistlərə açıqlaması zamanı danışıb.

"Allaha şükür ki, cümə günü rəsmi olaraq imzalayacaqları bir memorandum var. Deyirlər ki, hələ də bir neçə məqamda razılığa gəlinməlidir. Amma bunu müharibəyə qayıtmaqdansa, dialoq yolu ilə, danışıqlar yolu ilə etmək həmişə daha yaxşıdır. Buna görə də ümid edirəm ki, bu, həqiqətən də müharibənin həllidir, müharibə həqiqətən də bitəcək", - Papa deyib.