BMT-nin Baş katibi Antonio Quterreş Yaxın Şərqdə yeni gərginlik mərhələsindən dərin narahatlıq keçirir və bütün tərəfləri maksimum təmkin göstərməyə və atəşkəsə hörmət etməyə çağırır.

Qarabaginfo.az xəbər verir ki, bu barədə BMT Baş katibinin müavini Fərhan Haq tərəfindən jurnalistlərə göndərilən bəyanatda bildirilib.

"Baş katib Yaxın Şərqdə yenidən gərginləşmədən dərin narahatlıq keçirir. O, bütün tərəfləri dərhal hücumları dayandırmağa, maksimum təmkin göstərməyə və onsuz da qeyri-sabit olan vəziyyəti daha da gərginləşdirə biləcək hər hansı bir hərəkətdən çəkinməyə çağırır. Baş katib bütün tərəfləri Livan, İran və Qəzzada atəşkəsə tam hörmət etməyə və davam edən diplomatik səylərə xələl gətirə biləcək hər hansı bir addımdan çəkinməyə çağırır", - bəyanatda deyilir.