Bakı Dənizkənarı Bulvarının uzunluğunun gələcəkdə 25 kilometrə qədər artırılması nəzərdə tutulur.

Qarabaginfo.az xəbər verir ki, Bakıda keçirilən Dünya Şəhərsalma Forumunun (WUF13) “Yerli fəaliyyətin gücləndirilməsi: adekvat mənzil təminatı və dayanıqlı icmalar üçün çoxtəbəqəli idarəetmənin möhkəmləndirilməsi” adlı dəyirmi masadan verdiyi məlumata görə, bunu Bakı Şəhər İcra Hakimiyyətinin başçısı Eldar Əzizov bildirib.

Onun sözlərinə görə, son illərdə Bakı Dənizkənarı Bulvarı keyfiyyətcə yeni mərhələyə keçib.

E. Əzizov qeyd edib ki, əvvəllər 3 kilometr olan bulvarın uzunluğu hazırda 17 kilometrə çatdırılıb.

O əlavə edib ki, gələcəkdə bu ərazinin 25 kilometrədək genişləndirilməsi planlaşdırılır.