Böyük Britaniya Hörmüz boğazında gəmilərin hərəkətini təmin edəcək kollektiv plan hazırlamaq üçün avropalı müttəfiqlərlə əməkdaşlıq edir.

Bunu Böyük Britaniyanın Baş naziri Keir Starmer mətbuat konfransında deyib.

O, Britaniyanın Hörmüz boğazının açılmasını ehtiva edəcək plan üzərində aktiv şəkildə işlədiyini bildirib.

“Biz artıq başqa ölkələrlə birlikdə fövqəladə vəziyyətlər üçün nəzərdə tutulan neft ehtiyatlarımızı istifadəyə açmışıq. Bu, əvvəllər görülməmiş səviyyədə həyata keçib. Amma nəticə olaraq biz bazarda stabilliyi təmin etmək üçün Hörmüz boğazını açmalıyıq”, - Starmer vurğulayıb.

Eyni zamanda, Baş nazir əlavə edib ki, Britaniya və onun müttəfiqlərini qorumağa çalışarkən “daha böyük bir müharibəyə qarışmayacaqlar”.