Saytımızı qiymətləndirin


 
 

ABŞ-ın yeni prezidenti: "Mənim administrasiyam regional barışıq məsələlərinin həlli istiqamətində Azərbaycanla birgə çalışacaq"
Tarix: 18-03-2021 | Saat: 14:18
Bölmə:Manşet / Karusel / Gündəm | çapa göndər

 

ABŞ-ın yeni prezidenti: Mənim administrasiyam regional barışıq məsələlərinin həlli istiqamətində Azərbaycanla birgə çalışacaq

"Mənim administrasiyam təhlükəsizliklə bağlı ümumi narahatlıqlar və regional barışıq məsələlərinin həlli istiqamətində Azərbaycanla birgə çalışacaqdır".

Qarabaginfo.az xəbər verir ki, bu fikirləri Amerika Birləşmiş Ştatlarının Prezidenti Co Bayden Azərbaycan Prezidenti İlham Əliyevə ünvanladığı təbrik məktubunda bildirib.

"ATƏT-in Minsk qrupunun həmsədr ölkəsi kimi, biz Dağlıq Qarabağ münaqişəsinin sülh yolu ilə uzunmüddətli həllinə nail olmaq üçün tərəflərə yardım etməyə, firavan və dinc gələcək naminə Ermənistan və Azərbaycan arasında barışığın təşviq olunmasına sadiq qalırıq. Biz, həmçinin iqtisadiyyatınızın şaxələndirilməsi və Xəzər dənizində enerji imkanlarının inkişafı ilə bağlı səylərinizi dəstəkləyirik. Amerika Birləşmiş Ştatları iqtisadi əməkdaşlıq üçün yeni imkanları nəzərdən keçirmək arzusundadır", - ABŞ prezidenti əlavə edib.



Xəbəri paylaş

1356 dəfə oxunub.

Digər xəbərlər