“Məhkəmə-hüquq sistemində islahatların dərinləşdirilməsi haqqında" 2019-cu il 3 aprel tarixli Fərmanın imzalanmasından indiyə qədər ötən müddətdə fəaliyyətində korrupsiya hüquqpozmalarına yol verən və vətəndaşın hüquqlarına süni maneə yaradılması hallarına görə 39 hakim intizam məsuliyyətinə cəlb olunub.

Qarabaginfo.az xəbər verir ki, bu barədə Məhkəmə-Hüquq Şurası Aparatının Korrupsiyaya qarşı mübarizə və Məhkəmə monitorinqi sektorunun vəzifəsini icra edən Seyfəlpaşa Əliyev deyib.

O bildirib ki, həmin hakimlərdən 9-nun fəaliyyətinə xitam verilib, 4-ü isə daha aşağı işə keçirilib.