Saytımızı qiymətləndirin


 
 

Ukrayna Prezidenti: “Rusiya bizi qorxutmağa və təxribata çəkməyə çalışır”
Tarix: 16-04-2021 | Saat: 13:45
Bölmə:Karusel / Gündəm | çapa göndər

Ukrayna Prezidenti: “Rusiya bizi qorxutmağa və təxribata çəkməyə çalışır”

“Rusiya bizi qorxutmağa və təxribata çəkməyə çalışır. İşğal olunmuş ərazilərdən snayperlərlə atəş açılır”.

Qarabaginfo.az-ın xəbərinə görə, bunu Ukrayna Prezidenti Vladimir Zelenski Fransanın “Le Figaro” qəzetinə müsahibəsində deyib.

“Krımda, Donbasda və Ukrayna-Rusiya sərhədinin müxtəlif istiqamətlərində qoşunların artdığını görürük. Onlar bunu “Qərb-2021” təliminə hazırlıqla əlaqələndirirlər. Ancaq hamımız başa düşürük ki, bu, siyasi, hərbi və psixoloji təzyiqdir. Niyə psixoloji? Çünki onlar bizi vururlar və cavab verməyimizi gözləyirlər. Üstəlik, Ukraynanın şərqində hücuma keçməyimizi gözləyirlər. Ancaq biz onlara bu fürsəti verməyəcəyik. Onların ritorikasını, Rusiya Prezidentinin ətrafındakı ritorikanı görürük. Bunu bizim üçün, Avropa üçün və həm də onun öz ölkəsi üçün çox təhlükəli hesab edirəm”, - deyə Ukrayna Prezidenti qeyd edib.



Xəbəri paylaş

1310 dəfə oxunub.

Digər xəbərlər