Saytımızı qiymətləndirin


 
 

UEFA-nın saytı İlham Əliyevin Şamaxı şəhər stadionunun açılışında iştirakından yazıb
Tarix: 05-11-2021 | Saat: 16:35
Bölmə:Manşet / Karusel | çapa göndər

 

UEFA-nın saytı İlham Əliyevin Şamaxı şəhər stadionunun açılışında iştirakından yazıb

UEFA-nın rəsmi saytında yenicə istifadəyə verilən Şamaxı şəhər stadionu ilə bağlı yazı dərc edilib.

Qarabaginfo.az-ın məlumatına görə, məqalədə Azərbaycan Prezidenti İlham Əliyevin açılış mərasimində iştirakı etdiyi vurğulanıb.

Bildirilib ki, arenanın inşası üçün maliyyə vəsaitinin böyük hissəsi UEFA-nın "HatTrick" proqramı çərçivəsində təmin olunub. Həmçinin Tovuzdakı Futbol Akaemiyasının yenidən qurulması üçün də maliyyə dəstəyi göstərildiyi qeyd olunub. Hər iki layihənin AFFA-ya kütləviliyin artırılması və sosial inklüzivliyi təşviq etmək üçün əlavə imkanlar yaradacağı vurğulanıb.

Məqalədə AFFA-nın 2021-2025-ci illər üçün inkişaf strategiyasını 5 əsas sahəyə (kütləvilik, uşaq futbolu, qadın futbolu, infrastruktur və klub futbolunun inkişafı) yönəltdiyi bildirilib: "Bundan əlavə, AFFA interaktiv futbol xəritəsini, klubların lisenziyalaşdırma platformalarını və onlayn futbol təhsili proqramlarını özündə birləşdirən rəqəmsal ekosistemin yaradılması istiqamətində iddialı planları ilə bir çox proseslərin rəqəmsallaşdırılması üzərində işləyir. COVID-19 pandemiyası zamanı milli assosiasiya çətin dövrdə klublarını diqqətlə idarə etdi və matçlar zamanı yerinə yetirilməli olan tibbi və təşkilati tələbləri təfərrüatlandıran, habelə maliyyə dəstəyi göstərən protokolu (UEFA-nın Oyuna Qayıdış Protokoluna uyğun olaraq) işə saldı".

Qeyd edək ki, Azərbaycan Respublikasının Prezidenti İlham Əliyev və birinci xanım Mehriban Əliyeva noyabrın 1-də Şamaxı şəhər stadionunun açılışında iştirak ediblər. AFFA-nın icraçı vitse-prezidenti Elxan Məmmədov görülən işlər barədə dövlət başçısına və birinci xanıma məlumat verib.



Xəbəri paylaş

253 dəfə oxunub.

Digər xəbərlər