Minskdə yanvarın 11-də MDB-nin Baş katibi Sergey Lebedev Azərbaycanın Belarusdakı səfiri Məhərrəm Əliyev ilə görüşüb.

Qarabaginfo.az xəbər verir ki, bu barədə MDB İcraiyyə Komitəsi məlumat yayıb. 

Qeyd edilib ki, görüş zamanı Azərbaycanın MDB-də keçiriləcək tədbirlərdə iştirakı, o cümlədən fevralın 7-də Azərbaycanda keçiriləcək növbədənkənar prezident seçkilərində MDB-dən olan müşahidə missiyasının işinin təşkili ilə bağlı məsələlər müzakirə olunub.

Bildirilib ki, Birlik çərçivəsində əməkdaşlığın aktual məsələləri və Azərbaycan tərəfinin MDB məkanında inteqrasiya proseslərində iştirakının müxtəlif aspektləri ətrafında fikir mübadiləsi aparılıb.