Qarabaginfo.az xəbər verir ki, bu barədə CNN məlumat yayıb.

Yeni siyasət, bazar ertəsi hakim Leyborist hökuməti tərəfindən tam şəkildə təqdim ediləcək. Məlumata görə, bu siyasət qismən Avropanın ən sərt miqrant qaydalarından birinə sahib olan Danimarkanın modelinə əsaslanır.

Leyboristlər xüsusilə Fransadan kiçik qayıqlarla qeyri-qanuni keçidlərə qarşı immiqrasiya siyasətini sərtləşdirir.

Daxili İşlər naziri Şabana Mahmood, Britaniyanı qeyri-qanuni miqrantlar üçün daha az cəlbedici etmək məqsədi daşıyan bir sıra islahatlar çərçivəsində qaçqınlara daimi qorumanın ləğvini və yaşayış xərclərinin azaldılmasını elan edəcək.

“Bazar ertəsi, müasir dövrdə sığınacaq sistemimizə edilən ən əhəmiyyətli dəyişiklikləri elan edəcəyəm” - bunu Mahmood X platformasında yayımladığı videoda deyib.

O sööyləyib:

“Bura qeyri-qanuni yolla gələnlərin sayını azaltmalıyıq. Burada qalmağa haqqı olmayan daha çox insanı ölkədən çıxarmalıyıq. Hər zaman təhlükədən qaçanlara sığınacaq verən bir ölkə olacağıq, lakin nizamı və nəzarəti bərpa etməliyik.”