Rusiya hazırda Ukraynaya qarşı müharibədə qalib gəlmir və kiçik qazanclarına görə yüksək bədəl ödəyir.

Qarabaginfo.az xəbər verir ki, bunu Ukrayna Prezidenti Vladimir Zelenski deyib.

"Biz bu müharibəni uduzmuruq, Putin də qalib gəlmir. Məncə, onun ordusu indi zəif vəziyyətdədir.

Çünki onlar müharibə başlayandan ərazimizin 1%-ni işğal edə bilsələr də, 1 milyon 300 min əsgər itirib. Hesab edirəm ki, bu, bu torpaq üçün ödəniləcək yüksək qiymətdir. O (Putin - red.) döyüş meydanında qalib gəlmir, ona görə də hava zərbələrini gücləndirir",- o bildirib.