ABŞ Prezidenti Donald Tramp Rusiyaya qarşı sanksiyaların ikinci mərhələsinə keçməyə hazır olduğunu açıqlayıb.

Qarabaginfo.az xəbər verir ki, bu barədə “Reuters“ məlumat verib.

Məlumatda bildirilib ki, bu açıqlama onun Rusiya neftinin alıcılarına qarşı sanksiyaları gücləndirməyə daha yaxın olduğuna işarə edir və Ukraynadakı müharibə ilə bağlı narazılığını göstərir.

Məqalədə deyilir ki, Tramp dəfələrlə Moskvaya əlavə sanksiyalarla hədələsə də, danışıqları davam etdirmək üçün onları tətbiq etməyib. Son açıqlamalar daha aqressiv mövqedən xəbər verir, amma Tramp hələ ki, belə bir qərara tam sadiq olduğunu və ya bu ikinci mərhələnin nələri əhatə edəcəyini açıqlamayıb.

Yazıda o da qeyd olunub ki, Tramp Ukraynada döyüşləri dayandıra bilməməsindən narazıdır. Halbuki o, yanvarda vəzifəyə gələndə müharibəni tez bir zamanda bitirəcəyini proqnozlaşdırmışdı.